Plantun de Prouvènço

Pèr coumpara dos planto d'encò nostre

Caltha palustris & Anthemis secundiramea

Gauche-d'aigo

Caltha palustris

Ranunculaceae

Àutri noum : Gauchet-d'aigo, Peirouleto, Bescuchèu, Erbo-dóu-marfoundemen.

Noms en français : Populage des marais, Caltha des marais.

Descripcioun :
Au nostre, lou gauche-d'aigo se vèi soulamen en mountagno que i'agrado lis endré fres e bagna. Douno un pau d'èr à l'auriheto, Ficaria verna, emé si flour jauno, pamens li fueio soun eici redouno, en couor à la baso, ço qu'a douna li noum de peirouleto (pichot peiròu) e de bescuchèu (pichot bescue).

Usanço :
La planto caup, coume lis àutris Ranunculaceae, de proutou-anemounino, pamens li jóuini fueio e flour podon èstre manjado. Autramen fau faire couire mant'un cop la planto o la faire seca. Èi counseiado pèr lucha contro lou mau d'os. Èi peréu sudourifico (erbo-dóu-marfoundamen), antispasmoudico e sedativo. Fretado sus la pèu levo la doulour e fai veni rouge (rubeficanto).

Port : Erbo
Taio : 15 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Caltha
Famiho : Ranunculaceae

Ordre : Ranunculales

Coulour de la flour : Jauno
Petalo : >6
Ø (o loungour) flour : 2 à 4 Cm
Flourido : Printems - Estiéu

Sòu : Ca
Autour basso e auto : 800 à 2300 m
Aparado : Noun
Abriéu à juliet

Liò : Riéu - Prado umido - Palun - Sourgènt
Estànci : Coulinen à Subaupen
Couroulougi : Bourealo
Ref. sc. : Caltha palustris L., 1753

Uei-de-vaco(-di-ramo-virado)

Anthemis secundiramea

Asteraceae Compositae

Autre noum : Margaridié.

Nom en français : Anthémis à rameaux tournés d'un même côté.

Descripcioun :
Aquest uei-de-vaco rebalo belamen au sòu dins li pòchi d'argielo mesclado à l'areno, au mitan dóu cauquié de ribo de mar. D'en proumié se recounèis à si ligulo gaire noumbrouso e escartado lis uno dis autro. Pièi alucas peréu li fueio espèsso qu'an ges de péu (mai pas li cambo !) e que soun proun picoutado. La planto èi marcado sus la listo roujo, categourìo VU (vulnerablo).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 1 à 8 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Anthemis
Famiho : Asteraceae
Famiho classico : Compositae
Tribu : Anthemideae
Ordre : Asterales

Coulour de la flour : Blanco Jauno
Petalo : >6
Ø (o loungour) enflourejado : 1 à 1,5 cm
Flourido : Printèms

Sòu : Ca
Autour basso e auto : 0 à 50 m
Aparado : Noun
Abriéu à jun

Liò : Mar - Sablo - Argielo
Estànci : Mesoumediterran
Couroulougi : Estenoumediterrano
Ref. sc. : Anthemis secundiramea Biv., 1806

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Caltha palustris & Anthemis secundiramea

ges

Coumpara Gauche-d'aigo emé uno autro planto

Coumpara Uei-de-vaco(-di-ramo-virado) emé uno autro planto